Kwakucingwa ngawe xa kwakuqalwa i-GEMS. Siyeyona ngxowa-mali yonyango evalelekileyo inkulu neyenzelwe ukujongana neemfuno zempilo zabasebenzi beeNkonzo zoLuntu kuphela.
Sizinikele ekunikeni onke amalungu ethu kunye neentsapho zawo ithuba lokufikelela kwizibonelelo ezitshiphu nezipheleleyo ngoludwe lwezibonelelo ezikumacandelo ama-5. Oko ilungu lokuqala langenela i-GEMS ngo-2006, siye safumana ukukhula ngendlela engazange yabonwa ngaphambili kwaye akukho nto singayenzanga ukuze sibe yingxowa-mali yonyango egqwesileyo, enentsebenzo nefikelelekayo kubo bonke abasebenzi beeNkonzo zoLuntu.
E-GEMS siyayiqonda imiba yoshishino lwezempilo oluhlala lutshintsha njalo, ngoko ke, njengenxalenye yenkolelo yethu siyayamkela imingeni emitsha nesebenzisayo, siqinisekisa nokuba onke amalungu ayaqukwa yaye akukho mntu ushiywa ngemva.
uMkhosi wezoKhuseleko woMzantsi Afrika;
i-Arhente yezobuNtlola yeSizwe;
I-GEMS inikezela ngezibonelelo ezifikelelekayo kumntu wonke!
Wonke umntu angakwazi ukuzibandakanya ne-GEMS, kuba imali oyihlawulela ukuba lilungu lale Ngxowa-mali ixhomekeke kumvuzo wakho. Oku kuthetha ukuba uyakuhlawula ngaphantsi kunomntu onomvuzo ongaphezulu kunowakho ngecandelo lesibonelelo elinye. Ukuba uhlawula kangakanani kukwaxhomekeke kubukhulu bosapho lwakho nokuba ukhethe eliphi na icandelo kula mahlanu.
YeNgxowa-mali ezikhathalele nyani nenengqalelo kwiimfuno zakho - siyamamela xa amalungu ethu ethetha!
Yezibonelelo zokhathalelo lwempilo ezinamaxabiso afikelelekayo.
Yokuba neemfihlelo ngokupheleleyo -iinkcukacha zakho zezempilo ziyakuhlala zigcinwe ziyimfihlelo ngokupheleleyo -nakumqeshi lo wakho.
Yothungelwano namalungu oluthe gqolo.
YeZiko lemiNxeba elinokukunceda nangoluphi na kolunye lweelwimi zoMzantsi Afika ezisesikweni.
Yenkonzo enobuntu nenentsebenzo kwiZiko lethu lemiNxeba nakwii-ofisi zethu zengingqi.
Yee-ofisi zengingqi kweli liphela ukuze ube nokufikelela lula kuncedo nakwiinkonzo.
Yokufikelela kukhathelelo lwempilo oluthe xhaxhe kwiindawo zikarhulumente nezabucala.
YeNkqubo yoLawulo lweSifo ukuze ulawule unyango kunye neendleko zezifo ezingapheliyo.
YeNkqubo yoLawulo lweNtsholongwane/lwesiFo sikaGawulayo ekunika ukhathalelo oluyimfihlelo xa uludinga kakhulu.
Yeenkonzo neenkqubo zokhathalelo lwempilo ezinobuchule njengeNkqubo yezokuBeleka. Iintsuku zokuJonga iMpilo emsebenzini wakho, kwakunye nokunye okuninzi kuludwe lweenkonzo oluqhubeka nokwanda lonke ixesha. Sifuna ukwenza kube lula kuwe ukuhlala usempilweni.
Ukuze ube lilungu, landela la manyathelo alula
Inyathelo 2: Gcwalisa ifomu - qinisekisa ukuba ugcwalisa onke amacandelo ngokupheleleyo kwaye udibanisa nala maxwebhu ahamba nayo afunwayo (jonga: Ngawaphi amaxwebhu ekufuneka ahambe nesicelo sakho? apha ngezantsi);
Ngawaphi amaxwebhu ekufuneka ahambe nesicelo sakho?
I-GEMS ihlala isenza imigudu yokukuphathela ezona zibonelelo zokhathalelo lwempilo zingcono nezona zifanele ipokotho yakho. Ukuze senze oku, siyakwazi ukwenza unyuso lwemirhumo yakho yenyanga luhambelane nokunyuka kwamaxabiso ezonyango. Sizinikele ekukunikeni izinto ezininzi onokukhetha kuzo. Kukho icandelo lezibonelelo elilungele kanye iimfuno zokhathalelo lwempilo yosapho lwakho kunye nepokotho yakho!
Le yimirhumo yanyanga le epheleleyo yaye ayibonisi mirhumo (isabsidi) eyenziwa ngumqeshi. Ukuba ilungu lilungele ukufumana umrhumo ovela kumqeshi, umqeshi uya kuhlawula inxalenye yomrhumo aze umsebenzi ahlawule intsalela. Ubukhulu bomrhumo womqeshi buyakuxhomekeka kubukhulu bosapho yaye bupheleliswa kwi-75% yemirhumo yakho yenyanga, epheleliswa kuma-R2 570.
Inqwanqwa lemiVuzo Ilungu Umntu Omdala Umntwana
Inqwanqwa lemiVuzo Ilungu Umntu Omdala Umntwana
Inqwanqwa lemiVuzo Ilungu Umntu Omdala Umntwana
Inqwanqwa lemiVuzo Ilungu Umntu Omdala Umntwana
Ingaba ufuna inkcazelo ethe vetshe?
Tsalela umnxeba kwiZiko lemiNxeba kwa- 0860 00 4367.
